نتيجة تطبيق لأولياء الأمور بيوصلك إشعار لما ابنك يوصل السنتر، ولو غاب أو مشي بدري، ولو حصة اتلغت أو اتنقلت. من كل سنتر ابنك فيه، في مكان واحد.
شوف حصص النهارده والأيام الجاية لكل ابن، واعرف الحصة اللي شغالة دلوقتي واللي جاية.
برقم موبايلك. هيوصلك كود تأكيد على واتساب أو رسالة.
برقم موبايله أو بكود QR من موبايله، وهو يوافق من عنده.
الحضور والإشعارات من كل سنتر ابنك فيه، في مكان واحد.
أول ما ابنك يسجّل حضوره في السنتر بيوصلك إشعار فيه اسم المادة والساعة. وبعد ما الحضور يتأكد، بيوصلك لو حضر أو غاب أو مشي بدري.
أيوه. الإشعارات من كل السناتر اللي ابنك فيها بتوصلك في تطبيق واحد، وكل إشعار مكتوب عليه اسم السنتر.
لأ. كل ولادك في حساب واحد، وتقدر تشوف الكل مع بعض أو تختار ابن واحد.
من حسابك اطلب الربط برقم موبايل ابنك أو امسح الكود اللي على موبايله. الربط بيتم بعد ما ابنك يوافق.
لأ. نتيجة مش تطبيق تتبع موقع. المكان بيتأكد منه بس لحظة تسجيل الحضور في السنتر، عشان نعرف إن الطالب موجود في الحصة فعلًا.
السنتر يقدر يبعتلك رسالة وترد عليه، وبيوصلك إعلانات السنتر لأولياء الأمور زي مواعيد المراجعات.